Тајфата на Коки со нови проекти и идеи

0

„25 години, и повеќе, не се малку да си во оваа сфера на работа. Секој си креира свој пат и како годините доаѓаат така патот е се појасен и појасен. Од кога знам за себе ја сакам македонската чалгија и затоа со енергијата која ми ја дава помислата на Дуле и поддршката од моите соработници, од мојата тајфа, ќе продолжам да ја свирам оваа музика насекаде во Македонија, на свадби, на прослави, по медиуми, насекаде.“ истакна Коки за време на промоцијата.

3s3a2115

Никола Јанков, познат на сите како Коки од дуото Дуле и Коки, денес го промовираше новиот видео спот со својата Тајфа. Записот е снимен заедно со „Томато“ продукција. Во видеото Коки ја интерпретира „Слушам кај шумат шумите“ со вокал од Андријана Јаневска, и на гитара свири Ивица Јорданов.

„25 години, и повеќе, не се малку да си во оваа сфера на работа. Секој си креира свој пат и како годините доаѓаат така патот е се појасен и појасен. Од кога знам за себе ја сакам македонската чалгија и затоа со енергијата која ми ја дава помислата на Дуле и поддршката од моите соработници, од мојата тајфа, ќе продолжам да ја свирам оваа музика насекаде во Македонија, на свадби, на прослави, по медиуми, насекаде.“ истакна Коки за време на промоцијата на спотот. Тој додаде дека планира повторно издавање на албум во текот на пролетта. Коки зборуваше и за деновите поминати со Дуле и пријателите навраќајќи се на наградата кои тие заедно ја добиле пред 20 години на Макфест. Според Коки мотивацијата од старите денови никогаш не го напуштила и затоа тој продолжува со создавањете на нов музички правец – македонски новоградски рокенрол со својата Тајфа.

 

Коки порача дека е вистинско уживање да се работи со Андријана Јаневска и Ивица Јорданов пофалувајќи ги за нивната професионалниост и вклученост. Воедно, Коки посочи дека за издавањето на албумот „Еден пат, еден живот“ одговорни беа Габијано продукција. Во однос на тоа што најмногу сака од животот Коки пред сите порача дека најголема пасија и цел му е да биде професор во музичкото училиште Илија Николовски – ЛУЈ на најдобрите идни виолинисти во Македонија и пошироко.

Новиот спот може да го погледнете на: https://www.youtube.com/watch?v=2IAuVXqigi8

При објавување материјали од порталот www.hybread.mk во друг медиум, задолжително наведете го изворот од кој е преземен текстот.