Семјуел Бекет: „Сите ние се раѓаме луди. Некои остануваат такви“

0

Познатиот ирски писател, романсиер и поет е роден на денешен ден, 13 април во 1906 година.

Семјуел Бекет, кој сигурно го паметите благодарение на безвременската трагикомедија „Чекајќи го Годо“ се сметал за атеист кој верувал во Бог и најмногу му замерувал поради тоа што не постои. Ја носел ”титулата” претставник на т.н. „театар на апсурдот“ – модернистичко движење во книжевниот свет.

Добитник е на Нобеловата награда за литература во 1969 година за творештво преку кое човековата мизерија ја претвора во радост.

Бекет верувал дека апсурдот владее со светот и дека самото човеково постоење е апсурдно. Во чест на неговото творење, ви издвоивме дел од најдобри цитати…

– „Сите ние се раѓаме луди. Некои остануваат такви.“

– „Прво танцувај. Подоцна размислувај. Тоа е природниот ред на нештата.“

– „Ете што ти е човек: постојано ги обвинува своите чизми за мааните на сопствените стапала.“

– „На Земјата си. За тоа нема лек.“

– „Можеби се сум сфатил погрешно, но важно сум сфатил и тоа е новост.“

– „Некогаш се обидуваш. Некогаш не успеваш. Не е важно. Обиди се повторно. Падни повторно. Падни подобро.“

– „Солзите во светот се постојани. Секогаш кога некој ќе почне да плаче, некаде некој друг престанува да плаче. Истото важи и за смеењето.“

– „Животот е навика. Или попрво, животот е крајниот резултат на низа навики.“

– „Зборовите се сѐ што имаме.“

– „Дали мислиме на љубов кога велиме љубов?“

– „Не се каам за ништо. Единственото нешто за што се каам е тоа што сум се родил. Умирањето е многу здодевна и напорна работа.“

При објавување на материјали од порталот www.hybread.mk во друг медиум, задолжително наведете го изворот од кој е преземен текстот