ПРЕДУПРЕДУВАЊЕ – ДЕСАНКА МАКСИМОВИЌ

0

Слушни, ќе ти ја откријам својата тајна

Не ме оставај никогаш сама

Кога некој свири.

 

Можат да ми се причинат

Длабоки и меки

Очи некои

Сосем обични.

 

Може да ми се причини

Тонам во звуци

Па своите раце

Ќе ги пружам секому.

 

Може да ми се причини

Убаво и слатко

Да љубам кратко

За еден ден.

 

И можам било-кому да ја речам

Чудесната, сјајна,

предрагата тајна

Колку те сакам.

 

Ох, не ме оставај никогаш сама

Кога некој свири.

Ќе ми се причини некаде во една шума

Повторно сите мои солзи течат

Низ самоникнати чешми некои

Ќе ми се причини пеперутка црна

По водата тешка со крилја го шара

Она што не смеат многу да го речат

 

Ќе ми се причини некаде низ таа тама

Некој пее, и со горчлив цвет

Во непреболената рана на срцето допира.

 

Ох, не ме оставај никогаш сама

Никогаш сама

Кога некој свири.

  • Десанка Максимовиќ

При објавување на материјали од порталот www.hybread.mk во друг медиум, задолжително наведете го изворот од кој е преземен текстот.