Оваа недела нема некои поголеми промени на американскиот боксофис. На првата позиција со заработка од 37 милиони долари е повторно “The Martian”. Во филмот станува збор за групна мисија на Марс каде астронаутот Марк Витни е прогласен за мртов откако тој и тимот се зафатени од бура. Екипажот си заминува, а тој е оставен на црвената планета. Но Витни наоѓа начин да преживее и да сигнализира назад до земјата дека е жив. Режијата е на фантастичниот Ridley Skott, а во главните улоги се Matt Damon, Jessica Chastain, Kristen Wiig и Jeff Daniels.
На второто место е “Hotel Transylvania 2” со вкупна заработка од 20,3 милиони долари. Дракула и пријателите се враќаат на големото платно, а овојпат се обидуваат да ја истакнат повеќе вамприската страна на неговиот внук, кој е половина вампир, половина човек, се со цел тој да остане во дворецот. Режијата е на Genndy Tartakovsky, а гласовите ги позајмуваат Adam Sendler, Andy Samberg,Selen Gomez.
Оваа недела на трето место на боксофисот е филмот “Pan” со заработка од 15, 5 милиони долари. Дванаесетгодишното сираче Петар магично преминува во Недојдија, каде се соочува со многу опасности, но и многу забава. Таму ја открива и својата судбина – да стане херојот кој засекогаш ќе остане познат како Петар Пан. Режијата е на Joe Wright, а улогите ги толкуваат Levi Miller, Hugh Jackman, Garrett Hedlund.
Еве како изгледа оваа недела првата десетка на амеркинаскиот боксофис:
- The Martian – 37 милиони долари
- Hotel Transylvania 2 – 20,3
- Pan – 15,53
- The Intern – 8,66
- Sicario – 7,35
- Maze Runner: The Scorch Trials – 5,25
- The Walk – 3,65
- Black Mass – 3,13
- Everest (2015) – 3,03
- The Visit – 2,42
