Како да им кажете „НЕ“ на клиентите и да не ги изгубите

0

Општо познато правило е дека кога работите со луѓе е многу тешко, не заради физички напор (очигледно), туку заради фактот дека треба да се справите со многу различни карактери во текот на еден ден.

Да бидеме реални, кога сте на почеток на својот бизнис, многу е тешко да кажете НЕ на потенцијален или веќе постоечки клиент.

Но, доаѓа време кога тоа е задача која мора да се изврши.

Да кажете НЕ на клиентите е вистинска уметност, пишува Yourstory.com.

Што значи тоа?

Значи дека кога ќе го кажете тоа, потребно е добро да ја имате измерено ситуацијата, околностите за да нема реперкусии за работата и меѓусебниот однос после тоа.

Следат неколку примери кога е најсоодветно да кажете НЕ на клиентот:

Бидете емпатични

Ова е клучот кој ви гарантира дека клиентот нема да помисли дека имате задни намери. Одбивањето треба да биде заради подобрување на работата на клиентот и никако поинаку, а тој треба да биде свесен зошто го правите тоа. Треба да знае дека спротивната ситуација е негативна за неговата работа. Ќе знае, ако му кажете.

Бидете сигурни во вашето НЕ

Мора да знаете дали НЕ, за вас би значело одење напред или назад. Ако ги имате поставено границите однапред, ќе биде многу полесно за вас, но и за клиентот. Ако компанијата има одредена политика на одвивање на работите, а барањата се косат со истата, во тој случај НЕ е потребно да биде кажано.

Колку побрзо, толку подобро

Наместо да одложувате, решете ја ситуацијата веднаш. Не мора да одржувате состаноци претходно за да ја дефинирате ситуацијата. Решете ја веднаш, бидете конструктивни. Но, имајте на ум дека секогаш треба да имате алтернатива, ако речете НЕ. Секој клиент би сакал да слушне друга опција, ако веќе едната е одбиена. Секој би го ценел тоа искрено.

Останете позитивни

Кога треба да се иницира негација, ние како луѓе имаме тенденција да емитуваме слична енергија заради емотивната подготовка на процесот. Но, ако сакате да кажете НЕ и да остане позитива после тоа, мора и емотивната страна да ви биде во баланс.

Бидете јасни

Немојте да давате бледи објаснувања кои ќе личат на оправдувања. Колку сте појасни и транспарентни, толку подобро ќе го прифатат тоа вашите клиенти. Објаснете ја причината зошто не може да се заврши задачата, објаснете го целиот процес ако би било по нивните барања и кажете им зошто нема да им биде исплатливо.

Оставете добар впечаток

Секогаш бидете љубезни и искрено. Клиентите го гледаат тоа и го ценат. Ако сега сте им кажале НЕ, а сепак сте оставиле добар впечаток ќе се вратат повторно кај вас, бидејќи вие ги цените нивните пари.

Немојте да го изгубите достоинството

Бидете елегантни во тонот на обраќање, зачувајте го манирите додека велите НЕ и никогаш немојте да викате, дури ако ве иритираат. Бидете смирени во секој аспект од ситуацијата, само на тој начин ќе ја надвалдеете.

При објавување на материјали од порталот www.hybread.mk во друг медиум, задолжително наведете го изворот од кој е преземен текстот.

Остави коментар