Сосот – крал во вашата кујна

0

Сосовите се течни или полутечни јадења што се послужуваат само како додаток. Се подготвуваат за да го надополнат мирисот и вкусот на храната, да го збогатат јадењето со хранливите материи, минерали, витамини, или едноставно да му дадат сочност на сувото јадење.

Еве ги најпознатите сосови кои се прифатени и во нашата кујна и кои го оплеменуваат секој оброк.

Сос од лук

afc273ce-dc98-4552-b1d8-268df40fdc4e

Не се знае точно на чија кујна припаѓа овој сос. Некаде пишува дека е тоа француски специјалитет, некаде дека е шпански или италијански. Чиј и да е, се користи на целиот Медитеран, па може слободно да се каже дека е медитерански специјалитет. Според основната варијанта, овој сос се состоел само од маслиново масло, лук и сол. Меѓутоа, денес се среќаваат голем број варијанти на овој сос, но секаде основата е токму лукот, маслото, сок од лимон и солта. Во голем број рецепти додаваат и жолчка или белка, а може да се додаде сенф.

Болоњезе сос

5c3f216d-c96a-4e7d-ba5a-0e8214a177fb

Болоњезе сосот потекнува од Болоња, град во северна Италија, за кого се тврди дека е главениот кулинарски град. Според препораките на Accademia Italiana dela Cucina за приготвување на болоњезе сосот се користат мелено говедско и свинско месо, сланина, кромид, морков, целер, доматно пире, говедска супа, црвено винои, млеко или павлака и она што е многу битно, неговото приготвување трае долго време, 3 до 4 часа. Најдобро одговара со тестенини.

Песто сос

d5d43952-c2e7-48fc-9d08-ffcff33618d3

Песто е еден вид крем или сос направен од зачинска билка (пример: босилек, копар, нане), јаткаст плод, маслиново масло и сол. Убаво приготвеното песто долго време може да се чува во фрижидер без да се расипе…

Сос за пица

0fc588f2-4514-4480-bbaa-c19ea4217a4b

Овој надалеку познат италијански сос се прави од доматно пире во кое се става и малку лук, црн бибер, оригано, магдонос и босилек.

Бешамел сос

8505866e-27d0-405c-a882-5c7cee49100d

Овој сос можете да го користите како додаток на какво било печено месо, а оди добро и со риба и со печени макарони. Се подготвува со млеко, брашно, путер, ловоров лист, мускатно оревче и малку бело вино.

Сос од печурки

4fd6d32a-8294-490f-a677-adec0671bfa4

Сосот од печурки прелијте го преку варени тестенини, ориз, компир, њоки и посипете го со изрендано сирење и потпечете. Одлично ќе одговара со ролати од месо, солени штрудли, сите видови на печено или варено месо како и дополнување на варива или гулаш од печурки.

Сос од сенф и мед

2888b48c-7622-462d-b95a-2ad6b61402e9

Овој сос е најдобар за печено пилешко месо. Се прави од сенф, малку мед и црн бибер.

При објавување на материјали од порталот www.hybread.mk во друг медиум, задолжително наведете го изворот од кој е преземен текстот.